Advertisement
趙榮德.升學有道

趙榮德:家長想知又不懂得問的「名校legend」!

專欄
2020.08.08
71

2700chiu
有家長最近和我由教育局宣布幼稚園不會早於八月廿七日復課,談到幼稚園升上小學這個話題,家長突然提出以下這個問題:「點解有幼稚園特別多學生派去喇沙小學?」這是條好多家長想知但不懂得問的題目,以下為我和家長的談話,有興趣知道答案的家長宜細讀全文。
趙為本人 家為家長

趙:你條問題,個「派」字用錯了,應該改為「入」字,因為教育局冇將某一間幼稚園學生派去某一間小學。
家:如果唔係教育局派,咁幼稚園畢業生點樣入到喇沙小學?
趙:你咁樣問我就答到你,「派」就答唔到你,因為喇小係津貼小學,而津貼小學學位要透過「自行分配」同「統一派位」而獲得的,唔係因為個小朋友讀過某一間幼稚園而「派」去喇小的!
家:但我見到好多讀過C同K幼稚園的畢業生都入到喇小!
趙:好多人見到地下濕,以為曾經落過雨,咁樣推理,其實有破綻;因為地下濕可以係有人倒瀉水,政府洗地,未必一定係落雨。正如好多C同K幼稚園畢業生入到喇小,未必一定係「派」入去或直升入去,因為如果派或直升,應該全部或有一大批入到去,唔會有入到,有入唔到。

家:咁你點樣解釋有特別多C同K幼稚園的畢業生入到喇小?
趙:其中一個原因係比較多喇沙校友鍾意佢個仔入返母校(喇小),因此便將個仔送進C或K幼稚園讀,因為佢「聽聞」讀過C或K呢兩間幼稚園都好大機會入到喇小,其他冇咁大機會!
家:事實又是否如此?
趙:事實又似乎是這樣,所謂事實是這樣,是指喇沙校友仔入讀C或K幼稚園三年,便替個仔用(10分校友分+5分宗教分+10分適齡分)25分報喇小,要知道25分係自行分配最高分,所以每年都有一批喇沙校友之子入到喇沙小學。
家:你意思是有一批入到喇沙的小朋友是喇沙校友的兒子?
趙:我認為是,因為有好幾年喇沙舊生替個仔報幼稚園前問我報C好還是K好。我問佢點解一定要報兩間,佢話「師兄教路」,就係咁樣「以訛傳訛」,喇沙書院師弟非常信任師兄兼尊重佢。就因為咁,呢個legend,世代相傳下去。

家:原來係咁,唔怪得呢兩間幼稚園特別多學生派去喇小!
趙:唔係「派」去,係「入」到去,不過近年冇咁多入到啦!
家:點解?
趙:小朋友冇5分宗教分。
家:家長忙於撲口罩、買外賣?
趙:未必係,佢忙到唔記得幫小朋友報名,參加慕道班,只得20分,就入唔到啦!
家:校友兒子20分叩門有冇機會?
趙:呢兩年25分都要抽籤,20分叩門,好難了!

馬國明 許志安 黃心穎
人氣 TRENDING
鄭秀文 許志安 黃心穎 蔡一智 馬國明
https://www.mpweekly.com/entertainment/wp-content/uploads/2020/08/y02-20200806112912-150x150.jpg