Netflix劇集《魷魚遊戲》最近hit到去時裝界，連英國藝術家都玩二次創作，喺巴黎世家model 塊面度加上三角形標誌，十足十劇集中神秘工作人員造型。而《魷魚遊戲》導演黃東赫接受訪問時更大爆以客串形式出場的孔劉的真正身份！
各位劇迷睇完9集《魷魚遊戲》，相信都好期待第二季會解開第一季所留下的謎團，但身兼導演、編劇、製作於一身的黃東赫就表示冇咁快開拍第二季，因為一個人做咁多嘢實在太辛苦喇。不過導演都好識做，接受媒體訪問時大爆孔劉真正身份。導演話孔劉雖然只係喺第1集同第9集出現，戲分不多，但其神秘身份對劇情非常重要，原來孔劉的神秘人角色設定是前遊戲工作人員，因為工作表現非常出色，並得到高層信任，所以有特權，先可以以真容貌喺公眾地方露面，招募玩家。
老伯吳一男嘅玩家編號係001，喺頭幾集就話自己有腦腫瘤，等緊步向死亡，完全冇提過想贏獎金。呢一點已經同大部分玩家唔同，嚟得玩《魷魚遊戲》嘅玩家，通常都係欠債累累，或者係酈要金錢去改善生活，唯獨001從來都冇點提過錢，一直享受玩遊戲嘅過程。
第4集，玩家宿舍熜晒燈進行困獸鬥，造成不少玩家傷亡，唯獨一直看到好高嘅001絲毫無損，開口嗌停手就即刻有大量工作人員命令遊樂終止，可見其身份特殊 ; 第四關卡男主角同001玩彈珠遊戲時，001假扮失憶讓男主角取勝進入下一階段，但敗北後汲有被即時處決，只是公開宣布001玩家被淘汰，鏡頭一轉，就已經係男主角流馬尿。呢個伏線去到最後一集終於解開，有特別待遇嘅001就係魷魚遊戲幕後主腦，呢個重要線索細節你有冇missed到呢？
韓國型男魏河俊在劇中飾演警察黃俊昊調查哥哥（李秉憲 飾）下落，當佢潛入玩家檔案室時發現今年的參賽者檔案編號是由002開始，而消失了的001檔案，正正是老伯吳一男，聰明觀眾睇到呢個線索，大概都估到幕後主腦係邊個啦。
《魷魚遊戲》男主角成奇勳（李政宰 飾）第一集贏馬時奪得456萬韓幣獎金，之後參加《魷魚遊戲》時，玩家編號正正也是456，最後jackpot獎金更係456億韓幣，獎金提款卡密碼又係0456，意味著導演一早明示了男主角會係今屆《魷魚遊戲》優勝者。對於456的含義，黃東赫透露過仍只係想將獎金設定得較為符合現實世界，456億韓幣獎金係根據韓國彩票頭獎金額所定的。
《魷魚遊戲》的6個關卡遊戲其實喺第一集全面公開，玩家所住的宿舍牆上畫了6個遊戲關卡圖案，當中包括︰紅綠燈、糖餅、拔河、彈波子、玻璃橋同魷魚遊戲。
圖片來源︰互聯網、Netflix