首齣華人超級英雄片《尚氣與十環幫傳奇》（Shang-Chi and the Legend of the Ten Rings）將於9月上映，今日官方公開最新預告，率先睇偉仔同陳法拉精采演出。
最新預告片主要集中係加拿大籍華裔男星劉思慕飾演主角「尚氣」同梁朝偉飾十環幫首領「文武」嘅父子關係上，陳法拉亦有喺預告片出現，陳法拉今次飾演「文武」梁朝偉嘅妻子，主角「尚氣」嘅媽媽。
梁朝偉係片中以流利英語講對白，更有同主角對打嘅場面，係最新預告中可以見到「文武」由囝囝「尚氣」細個嘅時候就開始訓練佢成為「功夫大師」。「尚氣」自小精通武術，但長大後反而選擇離開十環幫，希望係舊金山過凡夫俗子嘅生活，後嚟「文武」帶領十環幫去畊搵「尚氣」嘅蹤跡，父子兩人發生一連串嘅衝突，大打出手。
圖片來源：Marvel Studios Hong Kong＠YouTube、陳法拉＠Instagram、梁朝偉＠微博
