內地歌手胡彥斌喺2018年推出嘅歌曲《你要的全拿走》，當中有段說唱歌詞難度極高，要喺幾秒間rap成幾十個字，有時連原唱者都會甩bit。呢首神曲近日意外地掀起挑戰潮，小豬羅志祥、JJ林俊傑都爭住試唱，可惜都未能成功。
陳嘉樺（Ella）日前亦跟風挑戰，佢喺片段中一氣呵成地唱完最難段落，一字不漏地rap出歌詞，期間更無出現甩bit、咬字不清嘅狀況，仲不忘投入感情，獲得網民激讚！
Ella表演完高水準嘅Rap功，好自豪咁話：「挑戰成功！」
反觀小豬之前挑戰呢首歌嗰陣，佢唱到青筋現晒形，多次嘗試都跟唔到拍子；「金曲歌王」林俊傑喺佢《聖所世界巡迴演唱會》上邀請胡彥斌合唱該曲，因歌詞太難，最後只係含糊亂唱。
JJ其後苦練再度挑戰，結果比胡彥斌話似陳漢典，相當搞笑！
圖片來源：陳嘉樺、胡彥斌@Instagram、林俊傑、羅志祥@微博