朱茵在內地正拍攝電影《雨打芭蕉》，與黃貫中及女兒黃鶯分隔兩地，昨日（25/10），正是朱茵的49歲生辰，可惜未能與夫女共度，需要在工作中度過。她表示黃貫中早已「遙距送禮」：「囡囡同老公向來都好重視我生日，噚晚我收夜，收工已經到咗生日，不過因為網絡問題，接唔到老公電話，令佢好焦急咁搵我，最後佢唱咗生日歌俾我聽，今日亦都唱咗，所以我帶住愉快嘅心情開工。其實喺工作中度過生日係一個好兆頭，寓意全年富足圓滿。」
雖然生日要開工，但朱茵收到劇組的「驚」喜禮物：「成組人叫我入房，好嚴肅咁同我講，今日嘅戲要重拍，我心諗：『唔好啦，就快煞科啦，唔想浪費大家嘅心血。』但係佢哋講得好有說服力，我又覺得係喎，啲光好似唔連戲，最後佢哋仲差啲發火！點知工作人員突然播咗段片，內容係《雨打芭蕉》嘅劇照、我喺片場嘅快樂片段，令我好感動。」
部分圖片來源：朱茵@微博