遊日興奮咀嘴祖兒阿Sa約定阿嬌：下次必須join

容祖兒（Joey）啱啱完成美國嘅工作後，就立即同「旅行Buddy」蔡卓妍（阿Sa）去咗北海道度假。

兩個人玩得十分開心，更喺Instagram不斷分享照片同片段。Joey留言：「這個月行程之緊湊創出新高點，北京-東京-韓國-美國-廣州，腦袋和身體極度疲憊。幸好老早已經約好，Mark實死期，天皇都無面俾，可以鬆個三兩天。和好朋友相聚在雪地的確如夢一般，不知何解，有些人只要站在你面前，你便立刻變得開心和自在。」Joey同阿Sa無懼寒冬，喺冰天雪地下分享一枝甜筒，又Sweet咀嘴，認真溫馨！

阿Sa留言hashtag阿嬌：「爭妳呀！下次必須join!」希望一班姊妹齊齊去旅行。阿Sa又分享多張滑雪照，見佢全副裝備上陣，十分認真！阿Sa仲做出高難度動作，笑言自己似足奧運選手。