《鐵齒銅牙紀曉嵐》從2000年到2009年間拍咗四輯電視劇，劇中嘅紀曉嵐、和坤同乾隆皇帝成為家傳戶曉嘅「鐵三角」。多年間唔少戲迷都希望能夠睇到第五輯《鐵齒銅牙》，未知「紀曉嵐」張國立係咪聽到粉絲嘅聲音，佢決定搵埋王剛同張鐵林，三人再度合作!
原來，今次並唔係開拍最新嘅《鐵齒銅牙》，而係由拍攝由張國立操刀嘅近代劇《末代廚娘》。昨日（12日），劇集微博公布咗宣傳照，見王剛同張鐵林都著上大褸，相當有型！但照片就未見張國立嘅身影，佢會點樣同拍檔擦出火花，大家一於拭目以待。
另外，胡杏兒同鄧麗欣（Stephy）都會特别出演《末代廚娘》，令粉絲非常期待。Stephy喺社交網分享造型相，並同粉絲打招呼：「終於可以曝光了（笑而不語） 大家好我是壽喜！」唔少網民都讚Stephy嘅古裝造型有氣質，好期待佢嘅演出。
而胡杏兒亦有向戲迷問好：「大家好，我是榮惠太妃！」引嚟大批粉絲同娘娘請安，連好姊妹胡蓓蔚都忍唔住話：「除咗『靚』， 冇第二個字可以形容。」同時，又有唔少網民都擔心正在陀B嘅杏兒，「杏兒兩個BB都是陪著媽媽一起拍戲 」、「她這總是懷著孩子，我每次都怕怕的，P生估計也操碎心」、「懷著孩子拍戲，你還是要注意一點啊」希望杏兒拍好戲之餘，要保重身體。
圖片來源：互聯網、末代廚娘@微博