憑泰國GL劇《我們的秘密》爆紅的鄺玲玲（Sirilak Kwong）與Orm（Kornnaphat Sethratanapong）昨日（21日）驚喜空降澳門，為品牌活動合體亮相，「LingOrm」CP魅力依然強勁，大批粉絲早早到場守候，一見偶像即尖叫歡迎。玲玲更貼心用食指放在唇邊示意大家「細聲啲」，粉絲即刻乖乖安靜，場面相當可愛。
兩人以黑白優雅造型現身，頻頻揮手、派心冧粉絲。受訪時，早前曾傳出鄺玲玲不會以廣東話作答，但她今次超級「識做」，幾乎全程以廣東話回答問題，誠意滿分。她透露來年將與Orm第三度合作拍劇：「講真話，我都未睇劇本，同你哋知道嘅差唔多！」她又稱要睇劇本，「睇吓幾時拍，因為行程都幾full，希望下年年頭可以開始。」據悉新劇名為《夢想中的婚禮》，令人非常期待。
說到玲玲近期在曼谷重開的燒味店「鄺叉燒」，她坦言生意剛開始穩定，並指：「如果真係穩定咗，希望可以返香港開返間！」提到偶像佘詩曼，玲玲瞬間變身小迷妹。她曾直播喊話想「取消schedule」去同佘詩曼食飯，被問到會否趁來澳門見面？她冧笑回應：「佘詩曼呀！心係想嘅，因為非常喜歡佘詩曼，如果有機會，非常想！」
