ERROR主持節目《ERROR自肥企画》播出後人氣急升，近日有機會同影帝級人馬古天樂（古仔）合作拍廣告。廣告歌《熱到除3》好洗腦，唔少網民大讚廣告又正又好笑，多謝古仔肯同年輕人合作。
點擊睇古天樂同ERROR拍廣告精采片段：
廣告入面，古仔同ERROR打成一片，一齊跳舞，梁業（肥仔）比古仔箍頸兼被當沙槌打肚腩。郭嘉駿（193）則扮古仔跳《今期流行》嘅經典「拜神舞」，搞到古仔忍唔住要踢開佢嗌cut。
ERROR成員完成拍攝後紛紛係Instagram出postc分享同古仔合作後有幾興奮，被指同古仔最多身體接觸嘅肥仔，肥仔同古仔合照嗰陣竟然攬住佢想送吻，更大膽示愛話：「我愛古天樂」，肥仔表示估唔到自己可以同古仔合作，「唔好講咁多攬咗先，咀啖先。」。MIRROR成員柳應廷（Jer）見到肥仔可以親近影帝古天樂就留言大嗌「葡萄」。
圖片來源：梁業、吳保錡、何啟華＠Instagram、Deliveroo@YouTube
