昨日（10號） 黎諾懿二公子「小冬牛」出世，今日已經立即出動搵奶粉錢， 偕黎燕珊以品牌大使身份出席工展會鮑魚品牌活動，「鮑魚公主」Lisa Lau送贈花膠和燕窩等給珊姐和諾懿跟太太補身。
問諾懿小春雞第一次見小冬牛是怎樣？「小春雞（峰峰）見到細佬出世好開心，仲要求我哋俾佢抱細佬，起初我哋都仲幫手扶佢，佢話佢大個啦！做哥哥啦！可以抱到細佬，咁就ok，影到嗰張合照。峰峰set好個架後冇郁過，佢話原來抱小朋友係咁攰，這張相片好有紀念價值，嚴格來說這是峰峰第一次抱細佬，細佬真正被抱的是哥哥，我覺得是好好的回憶和紀念。」
黎諾懿覺得大仔沒呷細仔醋，「峰峰不捨得走，話要留喺醫院陪媽咪同細佬 ，扭咗一陣計，我們都會盡量陪哥哥多一點，等佢覺得我哋冇偏心，都是很錫他的。」
自從《法證先鋒IV》演技被指大爆發後，珊姐工作不斷，今年可說是大豐收，她說：「今日來到工展會見到大家好開心，覺得市道向好，最近大家見到我在《青春本我》有份演出，即將播映的《異搜店》我亦有參與，希望大家繼續支持，我亦即將為新劇《法言人》開工，能夠不斷有工作是很感恩，亦好珍惜每個機會，希望大家會喜歡我的演出。」
