黃偉文為汪明荃新歌填詞 兌現28年前期票 「阿媽，我終於入流啦！」

汪明荃將於11月舉行紅館個唱，特別為此打造新歌《Make My Day》，由林家謙作曲、黃偉文填詞、趙增熹監製，阿姐與Wyman雖然相交多年，但這是阿姐入行數十年來，首次與他合作。阿姐近日在訪問中提及，這是Wyman兌現28年前的承諾，事緣當年阿姐接受Wyman主持的電台節目訪目，原定只做一晚嘉賓，但最後連續做了5晚，Wyman感激阿姐的幫忙，所以許下為阿姐填詞的承諾。Wyman在社交平台分享當年這個小故事，「其實，這首歌我非寫不可。還有一個連對汪明荃本人我都未講過的理由。如果你有睇 Concert YY ，你可能會記得我講過，我阿爸阿媽咁多年嚟其實都好似唔係幾知我係做緊啲乜嘢嘅。好記得廿幾卅年前，有一次我阿媽問我：『你成日閂埋房門寫寫寫，其實你係做乜㗎？』我話：『 阿媽我而家做緊填詞人呀。』阿媽話：『咁你有冇寫過汪明荃？』我話：『未呀。』『咁你應該都係渣渣地，唔係好入流！』佢掉低呢句咁狠毒嘅說話就行開咗，從此之後，再冇問過我一句關於我嘅寫詞工作。大概喺佢心目中，呢幾十年無論我做過乜，都係唔計數嘅，總之一日未寫到汪阿姐，呢個仔都係流流地、好打有限嘅。所以，好開心好開心，喺入行寫詞超過三十年之後……阿媽，我終於『入流』啦！

Mom,after all these years,I hope I can FINALLY make you proud .」

有網友留言分享：「如果冇記錯，N年前Wyman同汪阿姐喺商台一齊做節目，做到最後嗰晚，黄生送咗對耳環俾阿姐，佢仲話『嗱，講明呀，唔係真鑽石嚟㗎，係假㗎，係假㗎！』」Wyman回覆：「就係嗰晚閂咪之後，臨走之前，我同佢講：『你幾時需要歌詞，可以考慮吓我。因為我好想幫返你。』大概二十八年前左右啦！」

 

《Make My Day》歌詞：

 

塵世間瞬息變天氣
朋友間送機又接機
如這天又可見到你
你My Friend
It’s a beautiful day

你看我所以回台上
你愛我所以發亮
世間變灰暗或理想
若果你還在 再回到前場
如南極有聽眾我亦來唱
祈求做到百歲你亦來拍掌
為再聚首拍掌

塵世間瞬息變天氣
朋友間送機又接機
如這天又可見到你
你My Friend
It’s a beautiful day
我唱過千闕萬闕歌
摯友卻不算極多
卻有你一再安哥
半生舞台路 在台下提示我

沒有揀錯 幸得你不棄
我可以跌倒又再起
台上唱若可見到你
你My Friend
It’s a beautiful day
這首愛歌 讓我致現場的你
塵世間瞬息變天氣
場尾可轉眼又化灰遠飛
幸好我的你 繼續打氣

塵世間瞬息變天氣
朋友間送機又接機
幸好我的你 仍未遠飛
It’s a beautiful day

真感激你
such a beautiful day

更多圖輯：

部分圖片來源：黃偉文@instagram