香港明星籃球隊「星BA」，日前宣布邀請《中年好聲音1》的馮志豪（Matt）加盟，日前Matt已首度出戰，聯同江梓瑋、內地網紅兼籃球員蘇勇燁，以及客席身份參與、澳門籃球員劉晉邦，一同參加在橫琴舉行的《大灣區3×3籃球巡迴賽——橫琴站》，成功在48支球隊中殺入8強。參加比賽之餘，「星BA」亦擔任表演嘉賓，Matt率先演繹《暴風女神Lorelei》及《不再猶疑》，接着「星BA」隊長高鈞賢再聯同Matt、江梓瑋和蘇勇燁合唱專屬隊歌《Together We Play》，跟現場觀眾近距離互動，炒熱氣氛。
這次到橫琴比賽，Matt的太太和一對分別5歲和3歲的仔女，以及岳父岳母都有同行，全程打氣令他特別落力，他又讚演唱時觀眾氣氛極好，更發現一班隊友都好唱得，「佢哋唔單止演戲同打波叻，唱歌都好好。」江梓瑋認為今次比賽在戶外舉行是體能大挑戰，但8強止步他未有失望，「對住有啲係大學生，十幾二十歲嘅小朋友，節奏會再快啲，但我一直都冇諗贏輸，做好自己崗位已經好滿足。」
高鈞賢雖然未有落場比賽，但一早到場為隊友打氣，並以表演嘉賓和頒獎嘉賓身份現身，他笑指如果有份落場的話，不知道能否入到8強。談到參加3×3籃球賽，Matthew坦言有難度，但將來有機會都會參加，「雖然只係打10分鐘，但節奏真係好快，打到5分鐘已好辛苦，平時我都覺得自己keep到30中，但打3×3真係令我知道係40+，不過『星BA』再參加3×3我都會試吓，隊波都係想推廣運動、文化同娛樂，但唔可以全部我哋業餘球員，都要搵返一、兩個好似阿邦（劉晉邦）咁嘅外援先得。」
更多圖輯：
