陸浩明（6號）與模特兒女友陳詩欣（Ayan）愛得甜蜜，二人就像糖黐豆，經常結伴旅行和工作。
連續多年擔任港姐司儀的6號，見過不少靚女，但6號就聲稱心目中的冠軍只有一個，就是女友Ayan！6號留言：「如果我係港姐評判嘅話⋯⋯妳仲唔係冠軍？妳係冧巴One。」6號收到一組港姐后冠玩具，童心未泯的他為Ayan加冕，「各位觀眾，現在宣布2079年香港小姐冠軍係屬於6號嘅陳詩欣小姐，恭喜曬！」
他幫女友戴上后冠，並遞上權杖，畫面十分搞笑。6號大讚玩具製作精美，他亦忍不住戴上身，以港姐的口吻說：「我唔係港姐司儀，我係港姐冠軍，多謝。」
網民留言指二人快要閃盲大家的眼睛，「陸浩既陳詩欣，知喇知喇」、「使唔使sweet到咁呀，你好快啲求婚啦下！」、「Wow好識氹女友。」
圖片來源：陸浩明@Instagram