陳法拉結婚後不久便重投工作的懷抱，她早前回港拍攝美妝品牌廣告，今次拍攝以家居護膚為主題。為工作忙個不停的她，因而與老公Emmanuel Straschnov 分隔兩地，法拉卻甜蜜地透露與丈夫的相處之道。
法拉與丈夫Emmanuel 見面的時間變得很少，但法拉表示問題不大：「由初相識到依家，我同佢日日都會Whatsapp 或者視像通話。有時兩人相處給予大家空間都係件好事 ，可以去做翻自己鐘意嘅事，然後又大家可以有多啲嘢分享。」
但連續數天的廣告拍攝日程，令法拉疲於奔命，結果鬧出一個既搞笑又甜蜜的笑話，她笑說：「有晚放工真係好攰，瞓落張牀都未打完個信息就瞓着咗，結果老公就係咁用中文傳訊息俾我『你喺唔喺到? 』、『點解冇人睬我嘅?』、 『你忘記我了！』。」看到老公如此緊張自己，讓法拉感到既搞笑又窩心，更藉此舒緩了不少工作壓力。
法拉時刻以最美姿態示人，她表示秘訣就是在家中都要護膚。結婚過後，她除了着緊自己的皮膚保養外，更會照顧老公的日常護理，兩夫妻齊齊護膚。法拉表示：「其實老公都鍾意用護膚品架，所以佢皮膚都幾好，仲有時會偷我嗰啲用添！我有時會俾佢試用啲護膚品，佢都會好Enjoy 話如正，所以我會同佢分享一下自己嘅心得。」
