大台節目《識貨》已進入第二周比賽！除8位「見習主播」陳自瑤、黎諾懿、陳嘉佳（細細粒）、何遠東、路芙同黃頌明外，最新一集加入了郭子豪同丁子朗，眾人繼續在沒有劇本的情況下，靠急才爭取冠軍席位。
新一輪淘汰賽以「識貨主播拍賣會」形式進行，上周表現亮眼的陳嘉佳（細細粒），在競賽環節繼續信心十足推銷瘦身曲奇，不但向主持鄭裕玲及星級顧客團大派試食曲奇，更出奇不意拉好友張秀文落水：「港姐代表，我識你咁耐，平時你食一粒澱粉都怕肥，呢隻曲奇你唔使驚！佢用『陷人』（杏仁）粉整架，啱晒你食。」張秀文聞言哭笑不得、尷尬非常。
談到遭細細粒爆大鑊，問到張秀文細細粒事後有否請食飯「賠罪」，張秀文笑謂：「佢爆完都唔覺得自己有問題，又點會請食飯？完全感受到咩叫朋友係要嚟出賣嘅。」不過張秀文最後以德報怨，大讚細細粒專業：「佢直播前真係好忙好多事要處理，好在細細粒好專業，控制到個節奏。」
