ViuTV熱播節目《調教你MIRROR》最新一集要MIRROR12子幫經理人花姐（黃慧君）設計造型？原來節目組叫嘅係同樣叫慧君嘅特約模特兒「花膠」暫代花姐。
姜濤、Anson Kong（江𤒹生）、Ian（陳卓賢）及Frankie（陳瑞輝）負責為花膠揀飾物同配件，Lokman（楊樂文）、Alton（王智德）及Tiger（邱傲然）幫手揀服裝，Jer（柳應廷）、Edan（呂爵安）及Stanley（邱士縉）設計髮型，Jeremy（李駿傑）就負責化妝。期間，Ian睇中咗張大象櫈，係咁遊說隊員揀張櫈做配件，之後仲全程攬住張櫈。
點擊睇更多《調教你MIRROR》精采劇照：
「花膠」新造型登場勁似真花姐，令人眼前一亮，服裝部代表Tiger解釋是次大改造的3大原則，分別係突破，唔可以令「花姐」難受同埋要靚，Ian睇中嘅大象櫈仲成為成個造型嘅關鍵。
其實今集要幫「花膠」打扮嘅目的係希望Jeremy同花姐破冰，因為原來兩個人都好怕對方。Jeremy喺節目入面表示，未試過同花姐有好親密嘅接觸，覺得化妝係一件好貼近對方嘅事，喺呢個環節先發現原來自己好少去認真留意其他人個樣，冇認真去睇過花姐塊面係點，想嘗試幫花姐化妝。梁祖堯就覺得Jeremy幫「花膠」化妝嘅時候好溫柔、細心同埋專注，係好有愛嘅過程，期待Jeremy日後幫真花姐化妝破冰。
圖片來源：ViuTV
