今晚無綫《萬千星輝賀台慶2023》紅地氈中，眾女藝人當然爭豔鬥麗，其中何沛珈身穿一龔黑色高叉裙，看似平平無奇，但一側睇就見到大玩透視，由大髀透落腳跟，相當性感，她表示著這件晚裝是有點驚險，「係同學設計俾我，第一次新嘗試，以前性感都係上半身，今次下半身，真係無得打底，啲風吹入去真係有啲凍，其實自己都怕走光失禮人，所以喺屋企試咗好多次，加上貼晒膠紙打底所以應該安全。」
另外港姐郭珮文也大開中門賣大包，但她入場時險仆倒，她解釋是因為未習慣晚裝裙太長，加上首次參加台慶有少少緊張而不慎絆腳。黃嘉雯身穿黑色低胸晚裝，加上腰側鏤空及高衩剪裁，性感吸睛。花旦之中以蔡思貝相當有睇頭，不但谷胸上陣，她還表示為了性感要犧牲，因為裙太窄，難以去廁所。
不過蔡思貝還出手幫忙劉佩玥（Moon），因為阿Moon行紅地毯時晚裝裙擺太大，蔡思貝即變「禮儀小姐」幫她搞好裙擺！
