細AL逝世 許冠傑鍾鎮濤撰文悼念 B哥︰我好鍾意聽佢鬧人

玉石樂隊主音結他手楊雲驃（細AL）昨日（27日）因病逝世，唔少以往同楊雲驃合作過嘅藝人都出post悼念。

楊雲驃（細AL）許冠傑

歌神許冠傑喺IG出post同細AL道別，形容對方一直係佢嘅樂隊領袖、音樂夥伴，更加係好朋友，佢表示細AL嘅突然離世令佢非常難過，會永遠珍惜佢嘅幽默感同大家嘅友誼。

鍾鎮濤

鍾鎮濤（B哥）亦撰文表達對細AL不捨之情，佢話細AL係佢第一張粵語唱片監製，而未合作製作唱片前，佢哋已經喺Purple Onion 有同場演出。B哥話當時細AL嘅吉他 solo《25 or 6 to 4》，係佢聽過彈得最好、最快，最有味道嘅，更大讚細AL係最早期神級結他手之一。回想寶麗金時期，B哥有時會有意無意間，喺編曲、選曲方面特別留一啲位置俾細AL發揮。

鍾鎮濤

B哥續說細AL為人唔鍾意扮型、平易近人，所以佢哋好快就成為好朋友。不過佢錄音態度都好認真，遇到唔滿意嘅時候，反應都好直接，邊個都無面俾，所以佢都好鍾意聽佢鬧人。B哥最後話佢好遺憾冇喺細AL走之前見多一面，只能感性說一句：「老友，一路好走！愛你！」。

+12

圖片來源：許冠傑、鍾鎮濤＠Instagram