正式成為中港台共同簽約歌手，今次簽約是Sony Music大中華區與Gigi的個人工作室正式合作，意味Gigi在未來的音樂事業上，將擁有更高的自主權。
Gigi在台上更首次唱出新歌《風旅》，她表示：「一收到歌時，已開心同激動，就好似一個女仔住在木屋，出發，坐上船仔去未知未來，呢首歌好難唱，但我會繼續加油，今次錄音，大家溝通咗好耐，我唔識表達，佢將我好多雜念變成歌詞。」
對於加盟新東家，Gigi形容是一段新的旅程：「好榮幸可以成為大中華三地簽約嘅歌手，希望接住落嚟，大家陪我一齊去揭開呢個新嘅旅遊手冊，一齊寫好多唔同美好回憶，亦都寫好多我哋之間嘅故事。」
新歌MV中她更吊威也及落水，「今次MV試咗好多元素，吊威也同落水，我唔識游水，加上在冬天拍攝，要將水池整成暖水池，吊威也又吊到頸有啲痛，估唔到真係扯得起我！」對於重新再出發有咩感覺？Gigi就話：「心情緊張激動，前一段旅程已寫在之前嘅手冊，依家喺寫喺另一本手冊，希望可以寫出有趣深刻嘅旅程。」
