洪永城偷拍老婆湊女瞌着覺　 細女識嗌媽媽梁諾妍勁興奮

梁諾妍（Inez）熱愛跑步健身，充滿陽光氣息，不過作為媽媽，要湊住兩個囡囡真的不容易，一個不小心就被老公洪永城拍下她瞌着覺的照片，但隨即又被兩個活潑可愛的女兒嘈醒，不過她說：「冇問題，俾佢哋嘈醒咗再玩過」。

Inez連曬多張家庭樂生活照，又上載家姐Amber同妹妹Beryl的成長片段，包括快將歲半的「佛妹」Beryl終於識叫媽媽，搞到阿媽勁興奮不停尖叫讚妹妹叻叻，又有家姐打關斗和學打網球的片段，並留言：「My precious moments（我的珍貴時刻），見住2位sirface啲新技能逐漸解鎖，3姊妹仲識互相照顧大家，媽媽真係日日都變誇誇群，滿滿的愛」。