黎諾懿太太李潔瑩臨盆在即，他一家三口近日已忙於添置嬰兒用品，為新成員的到來作好準備，兒子小春雞（黎峰睿）亦乖巧地幫爸爸媽媽執拾入院的「走佬袋」，黎諾懿笑言上次執拾用品時有遺漏，汲取教訓後，這個準備充足，奶粉、嬰兒濕紙巾、嬰兒潤膚露、包巾、嬰兒潔膚露、授乳茶、保暖杯，一應俱全，相當體貼。
諾懿與太太一直都有共識要組四口之家，當小春雞出世後，自然想追個女，湊成「好」字，但這一胎依然是兒子，他覺得湊成「孖」字也不錯，表示：「即將再做爸爸，心情係開心嘅，因為無論工作幾攰都好，只要返屋企見到佢哋就會咩都忘記晒，咩都值得。」他又認為生兩個已足夠，再多一個會分身不暇，「最緊要佢哋兩個小朋友相親相愛，我湊峰峰（小春雞）時，太太湊細佬，咁樣時間會分配得好啲，雖然今次唔係生女，但都唔會再追，而家已經好完美。」
諾懿想起上一次陪太太進產房毫無經驗，表現狼狽不堪，當時一點也沒有享受過程，印象中只記得忙到一頭煙，檢討過後，他笑言這次會好好享受，但是仍然不會親自剪臍帶，「好多人問我今次會唔會剪臍帶，我嘅答案係『唔會』，我雖然鍾意煮嘢食，但係我都好怕見血淋淋嘅嘢。」
