曾樂彤於今年6月答應音樂監製徐浩求婚，今日（12日）於尖沙咀舉行婚禮。她早前在社交平台分享與一眾好友舉行婚前派對的照片，並感謝蔡卓妍幫忙籌備婚前派對，「進入最後倒數階段，除咗感恩就係感恩，由細到大從來無舉辦過屬於自己嘅Party，多謝我嘅好姊妹阿Sa以Bridal Shower嘅名義，去將所有我愛同愛我嘅人放埋一齊，仲要多謝我嘅姐妹團（辛苦你哋了）同其他出席嘅姐妹們。我真係一個好幸運嘅人，有好多好錫我嘅朋友，見到你哋聚埋一齊嘅時候，個腦不斷浮現同你哋每一個嘅回憶，無論係識咗好耐定係依幾年先認識嘅你哋，都係我心目中好重要嘅人類，繼續一起走下去吧朋友們。」曾樂彤披頭紗坐在牀上，和阿Sa一樣穿着睡衣，又裝作咀嘴，玩得非常開心。
阿Sa留言解釋幫忙籌備派對的原因，「其實我自己都想玩。」另外，她又在社交平台發文，向準新娘送祝福，「曾樂彤，我衷心祝福你同徐浩百年好合，永結同心。我知道你一定會幸福！因為你值得擁有一切美好嘅事~Love yo」
