Advertisement

星級歌唱老師梁月玲離世  伍仲衡12日前才探望深感突然

本地
2026.11.19

曾任古天樂、容祖兒、鄧紫棋等星級學生的著名歌唱老師Mary梁月玲離世,伍仲衡今日在社交網貼上與Mary老師的最後合照,留言:「12日前才探過妳,今天妳突然離開了!我哋食過嘅宵夜,一齊做過嘅評判,同你由旺角行到太子,再由太子行返旺角,妳對我說過每一句鼓勵嘅說話,妳那和藹可親嘅笑容,妳那甜美動人嘅歌聲,我會永遠好好記住!Mary老師,感謝妳一直咁錫我」!

12日前,伍仲衡與梁浩賢、劉威煌才探望Mary老師並合照,同老師傾偈仲彈琴唱歌,伍仲衡當時留言:「我是93、94年認識Mary老師的,老師教過無數中港台天王巨星。我不是她的學生,那時我是跟她先生孫Sir,即是孫立功結他老師學爵士樂理,而認識老師的。老師好錫我,成日搵我,記得以前老師時常在太子教完唱歌,就找我吃宵夜傾偈。我入行前的時候,有一次帶了老師回家,老師同我媽咪講,我係食呢行飯的材料,叫我媽咪放心俾我做音樂,呢番說話令我好感動,好多謝老師」。

學生之一的太極樂隊成員劉賢德(Ernest)亦有發文悼念:「好突然,好難接受……Mary老師,多謝您教識我咁多嘢,永遠懷念您。一路好走,RIP。請師父節哀順變,保重身體。」

聲夢傳奇 姜濤 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹