陳秀珠TVB熱播劇集《一笑渡凡間》飾演莊老闆「孤姐」，呢個剛強霸氣角色深受觀眾喜愛，但日前陳秀珠喺社交平台宣布離巢。
原來陳秀珠已經喺去年7月完約，《一笑渡凡間》就成為佢嘅TVB告別作，有消息指佢離巢係為咗照顧喺加拿大嘅囝囝。
陳秀珠從影超過40年，1979年參選港姐入行，雖然當年三甲不入，但由於外表清麗脫俗，獲無綫力捧，更成成無綫1980年代當家花旦。她演出過《大運河》、《季節》、《射鵰英雄傳》、《封神榜》、《戇夫成龍》、《珠光寶氣》、《BB來了》等多部劇集。陳秀珠在社交網概嘆：「人生有幾多個十年，而我可以用咗40多年時間做同一樣的工作？」她表示自己好鐘意從事影視工作帶俾佢時喜時悲丶時晴時雨嘅心情，覺得係時候停一停丶唞一唞，再放眼睇睇有冇新事物可以嘗試。最後她說「告別並非終結」，佢只係嘗試開展另一段生活模式，希望粉絲祝福佢。
圖片來源：my TV SUPER(www.mytvsuper.com)、陳秀珠＠微博
