今年1月，張致恒（Steven）老婆區燕雯（雯雯）突然在IG宣佈離婚；但事隔一個多月，又戲劇性地和好，並公布第三度懷孕。
雯雯於2月22日在IG上載超聲波照片，為肚裏的BB打氣：「To：踢踢 就算沒有歡迎，沒有期待，沒有關心，沒有問候，我心裏依然係最想見到你嗰個，你一定要爭氣，健健康康出嚟見兩個哥哥，媽媽的心底話。」她與Steven溝通後，決定「一家五口好好咁樣愛下去」。
昨日，雯雯在社交平台透露已誕下第3個孩子，BB比預產期早了一個月出世，要在深切治療部留醫及插胃喉。
她在社交平台上載BB的照片，留言說︰「簡單一句說話，最近喺我身上變得一啲都唔容易。『身體健康，喺身邊已足夠』。提早一個月見面，但只係見了一秒，就要分開。呢段日子，的確過得唔容易。每日望住你喺ICU咁細個就要插胃喉，一直堅持相信會有奇蹟。終於等到好消息，你快可以回家了，你要加油！珍惜，生活上每一個細節，好多嘢不是理所當然，好好享受擁有嘅每一秒。」
不少網民都留言送上祝福，「BB 一定平安無事，身體健康、快高長大，加油呀，媽媽！」