何詩蓓率先於今日凌晨3點53分出戰女子200米自由泳決賽，在面對兩名澳洲大熱選手的衝擊下，何詩蓓以1分54秒55完成比賽，為港隊增添一面銅牌，亦是港隊今屆奧運的第二面獎牌。
無綫巴黎特派專員方力申（小方）在何詩蓓領獎後進行獨家專訪，講到何詩蓓明天將出戰100米自由泳，現在先奪一面獎牌打了一支強心針，同時大家對她期望變得更大，問到會否有更大壓力？何詩蓓坦言：「唔會，我知道過去幾年落咗幾多苦功，訓練有幾辛苦，我對自己有信心，依家最重要係返去好好做恢復，希望抖足精神，聽日一步一步咁嚟。」
張家朗則於凌晨4點10分出戰男子花劍決賽，對手是意大利選手Filippo Macchi，最後家朗「決三劍」以15：14勝出，成功衛冕奧運男子花劍個人賽金牌，另兩位特派專員何振然及陳銘泰趁着還未舉行頒獎禮前，第一時間邀請家朗進行獨家專訪，何振然問到家朗連續兩屆創造歷史感受，尤其最後一分別具爭議性時，家朗說：「當時都覺得可惜，每次都覺得係自己，教練都喺後面提醒我，唔好理嗰劍，係你又好，唔係你都好，Focus喺下一劍到，所以我就照教練所講咁做。」
何再提及港隊現時有兩金一銅佳績，問家朗之前見到江旻憓Vivian奪金是否強心針時，家朗說：「好開心，佢一直都好努力，戥佢好開心，見到（港隊）劍擊成績一直有進步，對我嚟講都係強心針，我都要盡自己全部能力打到每一劍。」何振然訪問中又提及家朗全家現身巴黎支持家朗，問到家朗有甚麼說話對家人說？家朗笑言要將金牌送給到場支持他的爸爸：「送個生日禮物俾佢（爸爸），因為佢都係前幾日生日，起碼喺佢哋面前冇丟架！」並感激全港觀眾捱夜支持：「好多謝大家捱夜支持，聽日返工都仲睇我，好多謝大家，希望我冇辜負每一個人嘅期望。」
不過在張家朗奪金後，意大利教練史里奧連（Stefano Cerioni）不服輸，即場投訴不果的他在ig對台灣裁判黃皓志作出抗議，直指不公平；意大利劍總亦向國際劍擊聯會及國際奧委會作出投訴。不少意大利網民亦湧到張家朗的ig洗版，鬧他偷走金牌可恥；香港網民則不示弱留言反擊，指他們輸打贏要，毫無體育精神等。
