宣萱及吳啟華今日（1日）出席劇集《執法者們》宣傳活動，吳啟華笑言今次戲分少，未能過足戲癮，「唔係嫌戲分少，希望可以多啲，如果角色有得發揮亦唔一定要多戲分嘅。」反而站在他身旁的宣萱自言會揀嘢做，「去到咁嘅年紀梗係會揀嘢做，咩都會揀，一定要揀啲有質數嘅工作，拍攝已經好辛苦，但要保持團隊精神。」當年《壹號皇庭》兩人皆有份演出，二人希望有機會能再集合其他演員合作拍劇，吳啟華說《皇庭》組合有機會嘅，「因為大家都想，其實拍咩都無所謂，最好唔好古裝，或者唔好執法者們，拍犯法者們。」
對於早前傳出有男星過澳門賭錢輸身家，暗指吳啟華是其中嫌疑者，「冇可能，我好多年無去睇賭錢，唔去得，因為好多廣告合約唔可以涉賭，我會賠好多錢，你睇到啲相都已經有十年以上，以前都玩得好細，小賭怡情，一萬幾千上落唔誇張，總之𠵱家同賭字有關都唔會，賭場登台都唔可以，有賭場背景嘅工作都唔會接。」
更多現場圖輯：
