「聲夢小花」姚焯菲（Chantel）本月初到美國紐約大學藝術學院升學，半個月內兩度在社交網開Q & A解答粉絲問題，繼早前回應了有關紐約治安問題後，Chantel昨日（17日）再上載片段，首先回答最多人問她幾時再拍《愛．回家之開心速遞》？及她是否退出了該劇？她說：「我冇退出《愛．回家》，我12月返嚟嘅時候我會繼續拍，因為其實我想繼續去參與彤彤呢個角色，我覺得大家都非常喜歡，同埋我自己都好enjoy去演呢個角色，所以大家唔需要擔心。」
然後是很多人問她讀書和溫書tips，作為學霸，她第一樣是要上堂非常留心聽書，幫了她八成的學習。說到她為何皮膚這麼好？Chantel則自爆在紐約不習慣當地水質，反而令皮膚變差：「因為呢度嘅水質係硬水質，身邊嘅朋友啱啱嚟到紐約，都話佢哋遇到甩頭髮嘅問題，皮膚變乾嘅問題，同埋肚痛嘅問題。」Chantel表示這3個問題均需時間適應，並認為食水果、飲多點水都是非常重要。最後她說好多人問她皮膚產品的推介，她坦言：「我成日都見到有片人哋介紹好多皮膚嘅產品，我都想成為一個拍呢啲片嘅人，所以如果大家都想睇我唯介呢啲產品嘅話，就記得留言話俾我知啦。」
