劉嘉玲受到周潤發（發哥）影響，近年熱衷行山，為咗同發哥「打大佬」，佢行盡多個高山，準備今年挑戰香港三尖之首蚺蛇尖。
54歲嘅嘉玲耐力十足， 不時會組隊鍛鍊身體。早兩日行完麥理浩徑，嘉玲今日（5日）又約埋周發哥行山。
佢於社交網分享合照，並寫道：「感謝發哥五年前引導我行山這個運動，記得當時他對我說：『人在山裡行，快活過神仙，有益身心，逆生長。』這幾年果然收穫豐碩。」
嘉玲呢幾年除咗欣賞到唔同嘅自然景觀，行山更令佢保持健美體態、青春容貌。
嘉玲又話同發哥行山好開心，因為對方每次都會化身「食神」帶佢食好嘢：「與神仙發行山最大的樂趣是運動結束後他會帶你去吃地道的、廉價的香港美食，滿滿的幸福感。」
圖片來源：劉嘉玲@Instagram