林芊妤（Coffee）經常在社交網上分享做瑜珈的片段，為了增進與囝囝的親子關係，她不時與「翟伯伯」一起做運動。而人仔細細的伯伯已擁有相當高的人氣，其IG帳戶獲得近十萬粉絲追蹤。
昨日（16日）是翟伯伯的一歲生日，Coffee在社交網分享與囝囝遊主題樂園的照片，她留言：「見你1歲生日陪你去迪迪尼玩啦。」不過，翟伯伯似乎對樂園的興趣不大，在BB車的他露出一副不耐煩的模樣，反觀Coffee卻表現得很興奮，戴着卡通頭飾到處拍照留念。
Coffee其後與家人共同為囝囝慶祝生日，「本來打算1歲幫bb大搞party，不過最近好似唔太適合，所以最後都係一家人去食餐飯。諗返上年嘅今日，仲喺醫院張牀度抱住佢，其實到依家，我都仲未係好接受到，有嚿肉喺個肚度走咗出嚟，依家仲愈來愈大嚿。」Coffee貼出多張一家三口的合照，她與老公翟志榮（Weng）一齊吻囝囝的面珠，畫面十分溫馨！
圖片來源：林芊妤@Instagram