木村拓哉嘅15歲二女光希（Koki）近期以最強星二代姿態出道日本模特兒界，昨晚父親節佢又再喺Instagram放新相，好多網民都留言表示覺得感覺似層相識，望落光希的正面長髮照，原來激似木村喺22年前嘅一系列Kanebo唇膏廣告，兩父女無論髮型到神情都十足餅印。
已有1.71米高的Koki，遺傳了父親木1村及母親工藤靜香的靚樣，原來連臉上兩邊的痣都似到足，佢受訪時提過：「媽媽的痣在右邊，爸爸的在左邊，我兩邊都有，我認為這是父母給我的禮物。」當Koki揭開神秘面紗，外界一致認為佢最似爸爸年輕時靚樣，《Elle》封面嘅紮辮look，兩父女已猶如餅印。
雖然木村同靜香批準光希做model，但原來佢唔會接演藝工作，主要以學業優先，除咗繼續作曲，會做下模特兒拍下廣告，聞說已有10個廣告合約offer。
光希最近開Instagram，其追隨嘅粉絲人數已超過81萬，相信好快大破百萬大關。據日本傳媒報道，佢會以學業優先，唔會出道日本藝能界，即係唔會接拍日劇或電影亦唔會出唱片，但會繼續作曲，擔任時裝雜誌模特兒同拍攝廣告。
有日本雜誌記者收到風，光希已吸引到10個廣告合約offer，由於SMAP同木村拓哉喺內地好出名，所以都有內地廣告商好想搵心美拍廣告。
撰文：安東尼奧
圖片來源：Instagram