張韋怡和老公Michael、囝囝Ashton一家三口好幸福
張韋怡（GoGo）是無綫藝員，經常在劇集中做妹仔、文員等配角，現實生活中卻是名副其實的闊太，潘姓夫家做地皮生意，有傳新界有三百幅地皮是隱形地王；家住九龍塘喇沙利道樓高十層的別墅，附設室內電梯方便上落，透明玻璃電梯有前後兩道門直達全屋七間房，未計天台和花園實用八千幾呎盡顯豪宅氣派。
潘家大宅住了GoGo和老公Michael Poon及三歲半的兒子Ashton，仲有老爺同姑仔，全屋五個人有五個菲籍傭人、兩個司機，另聘一名私人護理照顧老爺，潘家唯一的規矩是每晚六點齊齊在飯廳開飯，「平時大家工作時間不同，就算住同一間屋都未必有機會見到，不過我們每晚六點都會在飯廳出現，陪老爺食晚飯傾下偈，我拍劇趕不及回家，就會派囝囝做代表，老爺有孫仔陪胃口特別好。」
婚後張韋怡獲老公打本在尖沙咀開「名錶世家」錶行，
另外經營公關公司，繼續參與不同劇集的演出，啱啱拍完古裝劇《
天命》演
陳自瑤的妹仔，大富之家闊太竟然做妹仔，「係呀，
很多朋友都奇怪我為什麼肯做妹仔、其實並沒有衝突，
演員是我的職業，我喜歡演戲，任何角色都想試，妹仔、
寫字樓文員、護士樣樣角色都做得好開心，
老公知道我喜歡工作都全力支持。」
GoGo就算有工人，都親力親為照顧囝囝陪佢玩。
嫁個有錢人是不少港女夢寐以求的事，GoGo得來全不費功夫，
之前有個拍拖六年的男朋友，一心諗住二十八歲結婚生仔，
點知男友移情別戀，失戀打擊搞到佢日日以淚洗面，
有個醫生朋友看不過眼帶她去蒲，第一次去
蘭桂坊蒲就遇到老公，「
我當時都睇唔到佢，蒲咗一個星期依然晚晚失眠好辛苦，
有一晚耳仔痛到凌晨五點去法國醫院，
突然收到Michael短訊，問我身邊有冇男人，我話冇，
佢五分鐘後就在醫院出現，竟然向我示愛，我話你係出來玩的男人，
但我是想結婚生小朋友的女人，識咗一個星期根本唔了解，
佢即刻說同我目標一樣，都想結婚做爸爸。」
兩人以結婚為前提開始拍拖，好快有了現在的兒子，
因為進程太快兒子出生後三個月才擺結婚酒。
