李克勤受邀到西藏表演，未抵拉薩前佢已經表示擔憂，皆因去到海拔3千幾米之地，生怕會影響演出。克勤於社交網寫道：「拉薩商演，有點緊張，眾說紛紜。唔知會有乜嘢反應，有人話會頭痛到爆，抖唔到氣；有人又會乜事都冇，都真係要明天去到先知。」
噚日（30日）克勤抵達拉薩後即拍片報平安，佢話：「到達拉薩了，一切還可以，就是有點睏，全身乏力不想動，但就沒有頭痛，沒有想吐，算是非常OK。」
其後克勤又同老婆盧淑儀參觀布達拉宮，並分享行樓梯片段。但行上數百梯嘅克勤已面有難色，佢喘住氣話：「嘩…真係要考驗吓…勁呀…」
佢留言：「要行幾百級樓梯，平日當然冇問題，但剛到步甚麼都未適應，自然行到頭暈暈缺氧，不過真的好值得，世界遺產真不是浪得虛名的。」
圖片來源：李克勤@Instagram