由天下一電影製作有限公司、品今天下影視有限公司及澳門特別行政區政府文化局（2013電影長片製作支援計劃）出品，天下一電影發行，澳門新生代導演徐欣羨執導，歐健兒編劇並由梁詠琪（Gigi）、廖子妤（Fish）、余香凝（Jennifer）等主演的電影《骨妹》昨晚在澳門旅遊塔舉行世界首映禮，一眾演員包括Gigi、Fish、Jennifer、朱鑑然、陳蕾及劉漪琳等在導演徐欣羨的帶領下盛裝出席。其中Gigi一身飄逸紗裝看上去更是仙氣十足，有不少她的fans更親身到澳門祝賀Gigi演出的新作上映，要第一時間入場欣賞！
首映座無虛席，到電影完結時，全場觀眾的掌聲此起彼落，對電影的支持可見一斑，反應甚佳。由於一眾演員也是首次看全片，其中Gigi及Fish的反應最大，二人連事後受訪也要拿著紙巾不斷拭淚，Fish更是喊到雙眼通紅。Gigi坦言Fish及Jennifer的演出好好，令她深受感動：「大家喊得咁犀利我諗係應該大家諗返起拍攝時刻，對角色嘅感覺同埋投入，我好渣，一講起又想喊！Fish同Jennifer演嘅年輕版本太好，二人絲絲入扣，連帶最後我自己演嘅兩三場都好感動，頭先自己睇返到有喊。」Jennifer則表示《骨妹》是她首部電影，在大銀幕上看見自己的演出感覺很神奇又開心：「有好多位可以再做好啲，我會繼續努力。同埋好開心同Fish做出來感覺好姊妹情深，而睇到Gigi嘅演出又係另一種感動，加上完場時觀眾反應咁好，真係忍唔住喊，好開心。」
而朱鑑然作為整個澳門首映之旅的唯一男演員，他笑言自己變了「暖男」，他說：「昨晚終於可以睇到《骨妹》首映，能夠成為澳門國際影展嘅參展作品，感覺好感動。有幸睇首映之前，仲可以同其他演員一齊行紅地毯，雖然係眾多出席演員裡面得我一個男生，但都無太大壓力，睇完後，成班人變左喊包團，我就負責提供紙巾，扮細心！好多謝導演比呢個機會我，演少年陳忠呢個角色。導演對電影嘅熱誠，同拍出來嘅感覺好細膩，亦都帶出好多澳門情懷。感謝整個團隊，睇完後更加肯定同加深自己對電影熱誠，亦都好有衝勁去演更多其他角色，希望有多啲演出機會，繼續努力，帶比觀眾更不一樣感覺。」