恭喜張嘉兒再度榮陞媽咪！嘉兒噚晚（8日）於社交網報喜，宣布囡囡Hannah已於5月7日出世，重7.15磅。佢分享多張相片，見B女頭髮濃密，眼仔碌碌地望住媽媽，相當可愛！
嘉兒表示今次都係順產：「生第二胎真係快過第一胎好多。入醫院開咗三度然後三個鐘頭後就生得啦。」佢透露今胎相對痛好多：「醫生話個臍帶圍住BB女個頸到三個圈，好似帶咗三條頸巾咁。聽落真係有驚無險。好彩我個醫生超級專業，好快就解決咗個問題，完全冇令到我有恐慌嘅感覺。」嘉兒十分感激護士以及醫生悉心嘅照顧。
嘉兒又感謝家人嘅陪伴：「我康復得好快BB亦都好健康。當然亦都要多謝我老公同埋我家姐一路陪伴着我，喺我住院期間照顧我個大女。」
期後，嘉兒再貼出Hannah嘅可愛相，BB中文名叫劉在懿，佢解釋「在」字，是希望囡囡享受生命每一刻；而「懿」字，代表賢惠及品德高尚，與姊姊劉在芯湊成「芯」「懿」配。
圖片來源：張嘉兒@Instagram