無綫節目《尋人記II》已播畢近半月，綜合十集單元，7天跨平台總收視平均為19.7點；最高收視單元頭三名依次為第九集《我的媽呀！》22點、第七集《非典型婆婆》20.7點、第八集《生仔要考牌？》20.4點。至於感動無數網民的「龜兔夫婦」遺孀Sabrina的精華片段，在網上反應非常熱烈，截至今早十時已有超過46.7萬點擊，吸逾7,800 likes之餘，亦獲得超過600則留言，除了為Sabrina打氣及送上祝福外，其他幾近全正評：「好感謝Sabrina再一次受訪，深深感受到人生無常、珍惜眼前人。」、「多謝方東昇及拍攝團隊上下，以及歷年嚟咁多位受訪者，為你們鼓掌」、「這不是一個尋人節目，是一個尋找人生意義的節目」、「生命影響生命，實在是一部超有質素嘅紀錄節目」、「切切實實給香港人一個對身邊人和事珍惜的反省」。
對於網民厚愛及支持，Sabrina在節目播出後表示，能以自己的故事感動別人，令她不再孤單，更是不枉此生。Sabrina說：「其實好感觸，節目真實反映丈夫離開後我嘅心路歷程。Frankie嘅離世的確好可惜，但片段亦提醒番我Frankie健在時，我哋嘅日子過得好快樂。」
同樣獲得大家支持的，是第三集主角「杯麵男」徐志文，透露自尋親單元播出後，小學羣組的同學落手落腳幫他跟進尋親，聯絡和約見在香港的泰國組織；亦有不少市民專程到他工作的柴灣麵檔幫襯，送上祝福，當中包括被指跟他撞樣的廚神黃亞保（保哥），專誠與太太及四名子女到麵檔打氣兼合照留念。
至於其他受訪者，亦透過攝製隊再次對觀眾及網民表達謝意，包括第四集《男人最痛》當年的單親爸爸James：「多謝團隊畀機會等我可以透過鏡頭講番爸爸昔日嘅無私支持。雖然同爸爸唔能夠再見面，但透過個節目好似再次同爸爸『相聚』咁。」；第七集《非典型婆婆》胡婆婆就話：「有朋友特登入咗二百蚊人民幣落我個仔嘅戶口，話俾我買嘢食，好開心、好多謝大家，你哋真係好有愛心！Thank you everyone, Wish you good health!」；第八集《生仔要考牌？》好媽媽梁惠英：「節目出街後好多好耐冇聯絡嘅朋友同舊街坊都聯絡番，好開心！」；第九集《我的媽呀！》艷輝：「因為節目出街時分咗上、下部分，啲朋友睇完頭半集話搵唔到艷輝時，係咁叫我立即打電話去TVB，仲話『TVB搵緊你』。」
