黎諾懿、李佳攜同幼子培明昨日（25日）出席「我要世界走飢餓 — Go & Seek!」活動開幕典禮，化身「糧家村村民」，與一眾嘉賓及市民透過親子活動認識世界飢餓議題，現場氣氛熱鬧，吸引不少家庭到場參與。
黎諾懿表示家長都曾遇過小朋友不肯吃飯的經歷，「其實可以適當地『狠心』啲收起食物，等佢真係感受到肚餓，再慢慢教佢咩係『飢餓』，因為單靠講，小朋友未必明白，要畀佢親身感受。」他又透露即將9歲的大仔「小春雞」正值發育期，食量驚人，曾試過入快餐店一口氣食兩個餐，「我會同佢講唔可以一次過食太多，對個胃唔好，而且唔可以浪費食物。」豈料「小春雞」竟反問：「你做爸爸點解唔畀飽飯我食？」不過，他亦藉此教導兒子要「食完先再叫」，並說：「有時佢食完後覺得飽，就會自己話留返下次先食。」讓他逐步建立節制及珍惜食物的習慣。
李佳早前成為宣明會親子助養者，希望透過實際行動讓小朋友明白「食得飽、有清潔水飲唔係必然」，她並鼓勵他們學懂關心世界上其他有需要的小朋友，又強調身教的重要性，直言：「身教好重要，要知道我哋唔只幫一位小朋友，而係幫到一個社區，帶仔仔從小一同了解更多，等佢大個有能力，就會傳承呢個幫助人嘅力量。」她又提到，會透過日常生活、慈善活動及食飯習慣，教導兒子珍惜食物。李佳幼子培明表現乖巧，即場分享惜食貼士：「唔好叫太多食物，食完先再買！」童言童語萌爆全場，亦參與工作坊親手畫了幅畫送媽咪，獲讚貼心小暖男。
