黃翠如老公蕭正楠昨早與曹永廉和馬國明飛美國登台，雖然無老公在身邊，翠如都有愛犬和爸爸陪她湊囝囝蕭哈哈，她昨晚在ig限時動態曬哈哈日常外，還有與陳自瑤和連詩雅（Shiga）兩位好閨密相聚，齊齊大開食界，歎美味的日本料理片段，料理非常豐富，三位好姊妹亦食得非常滋味。
翠如寫道：「終於齊人，一個美味的晩餐，一個美味的談話，在心中，我已經好掛住呢餐飯」！兩位好姊妹亦有轉發片段，Shiga亦寫道：「傾吓心事，食吓美食，互相共勉，過一個好開心的一晚」！
三人因合作拍劇成為好閨密，早前她們齊齊接受《一周星星》訪問，已表示很久沒相聚，Shiga更曾發文，留言：「我哋嘅緣份就由《那些我愛過的人》開始，點都冇諗過，咁就過咗8年，呢段時間我哋一齊分享開心唔開心，真係好珍貴」！
