蕭正楠、曹永廉與馬國明上周六（25日）在江門舉行他們的《三生有幸演唱會》，阿蕭老婆黃翠如到來捧場之餘，還上台公然放閃。身穿黑T恤和牛仔褲未有刻意打扮的翠如，當她衝上台即攬住老公，阿蕭就話：「你終於嚟啦！今日咁大風，佢都唔睇個仔，上嚟睇個大仔，我真係好感動！」然後阿蕭拖住老婆唱了幾句《一生中最愛》，如此恩愛畫面，現場觀眾都不停歡呼。
不過當片段被上載上網後，全網都幾乎在討論：「係咪二胎？個肚咁大嘅！」翠如今日（28日）就在社交網「自首」說：「好對唔住，我將件衫攝咗入條褲度，同埋我肥咗，我錯，我嚟緊呢10日唔食嘢…」，澄清懷孕傳聞。
黃翠如與蕭正楠於2018年，等到2024年11月，翠如43歲高齡才宣布懷孕喜訊，同時透露曾經歷過小產傷痛。去年3月，囝囝蕭哈哈出世，並於百日宴曝光了哈哈的高顏值，眼仔睩睩同翠如餅印一樣，獲公認靚仔可愛。
