麥雅緻（Angie）昨日（17日） 迎來39歲牛一，張頴康專程為愛妻準備了豐富的生日行程，一家四口度過了愉快的一天。兩公婆首先帶囡囡「小豆」和囝囝「小花生」到泳池游水，靚媽Angie還曬出火辣泳衣照，大騷弗爆身材！
而頴康昨晚特別執到正與Angie享受二人世界，他在社交網寫道：「 今晚我執到正（只限髮型）同我老婆浪漫晚餐，小豆出世以來，我哋第一次兩個唔返屋企瞓（係六年喇，小學都讀完喇）不過大家放心，佢哋有好好嘅工人姐姐睇住！今晚嘅感覺，除咗用『偷跳』嚟形容，真係唔知可以點講嘞！」
圖片來源：張頴康、麥雅緻＠Facebook