《香港系列之原味道》明晚（17日）播出的第六集，冼靖峰（Archie）、潘靜文去到XO醬廠，挑戰整麻辣XO醬，靜文負責處理瑤柱，切辣椒的重任則交給了 Archie。在切辣椒的過程中，靜文忍不住取笑Archie是「辣椒仔」，負責人亦對Archie的刀工讚不絕口；原來Archie之前曾偷偷向媽媽練習過刀功，Archie說：「拍頭幾集嘅時候，啲人話我唔識切嘢，我專登返去搵媽咪train吓我點切嘢。」
靜文聽完Archie的「刀功之路」後，忍不進大讚Archie媽咪「叻叻」，豈料反惹來Archie呷醋，並指住潘靜文玩控訴：「佢係永遠都唔會讚我。佢好鍾意我媽咪，但係唔鍾意我！」靜文聽完即大爆笑！
