霎時再感動｜經歷迷惘入電視台磨練演技 陳豪最估唔到發揮獨特喜劇潛能

51歲的陳豪，既為TVB視帝，也是陳茵媺的好老公，及2子1女的好爸爸，看似一帆風順的他，年輕時期也曾經歷過迷惘階段。
陳豪當年自模特兒晉身影圈，於1994拍攝電影《晚9朝5》，影片獲提名香港電影金像獎，但他的演藝事業卻未因而見喜色，反而愈演角色愈不起眼。陳豪在昨晚播出的節目《霎時再感動》，以「一個後生仔」的經歷，敘述當年有很多拍電影機會，但當時太過年輕，不知什麼是奮鬥人生，也不懂珍惜機會，只識跟朋友玩樂，就這樣渾噩地過日子。直至有一日突然醒覺，跟自己說不能繼續浪費光陰，當時他看很多書，亦開始視演戲為終身職業，為演好戲及讀好對白，他用錄音機錄自己的聲音練戲，及用錄影機不斷拍攝自己，對鏡頭練習演技，一星期看逾30部不同電影，最終目的為提升自己的演技，待機會來到就可大展拳腳。

可惜，當年他拍電影的機會愈嚟愈少，也開始心灰意冷，幸得前輩跟他說：「如果你想磨練演技，不如入電視台啦！」陳豪謂：「雖然佢過咗個好窮嘅日子，但亦係佢人生入面最開心嘅日子，因為佢終於能夠，過住佢夢想中嘅生活。估唔到嘅係，呢一個後生仔，一直都係演開蠱惑仔，突然之間佢有機會，去做一個似模似樣嘅醫生；另外估唔到嘅係，佢有機會去接觸喜劇，透過喜劇，佢有機會將佢本身嗰種獨特嘅喜劇節奏，呈現喺觀眾眼前。電視台俾咗好多機會呢個後生仔，佢拍咗好多唔同戲種，做過好多唔同角色，好似係一層一層咁將佢拆開，等觀眾可以見到佢唔同層面嘅特質。」

陳豪以「機會淨係留俾有準備嘅人」說：「我曾經都錯過好多機會，但我相信努力係唔會白費嘅，當你覺得心灰意冷嗰陣，點解你唔好似我咁，用行動去改變現狀呢？把握時間，好好咁去準備自己，話唔定，機會好快就嚟。」