謝霆鋒於啟德主場館 舉行的演唱會昨晚尾場，霆鋒在綵排前，𦾐中午帶了兩個仔去食飯，被歌迷偶遇，現場當然騷動，飯後，霆鋒再帶兩個仔返場睇佢綵排，兩個仔更和嫲嫲拉姑坐在場內睇騷。
霆鋒尾場演出不僅為歌迷帶來視聽震撼，充滿驚喜與感動，期間歌咪更興奮到有人衝咗上台，不過好彩係唔係主舞台，比保安拉返落嚟。謝霆鋒在最後一曲《活著VIVA》前感性喊話：「好多謝由世界各地來同我完成呢個夢想嘅你哋，其實如果重有期，我會繼續開嘅！」全場觀眾隨即高呼「安歌！再開！再開！」霆鋒鬼馬笑道，「但係冇，哈哈。」氣氛沸騰，為未來加場、part2留下無限期待！
圈中友好古巨基、陳慧嫻、蔡一智、周汶淇、高海寧、曾比特、等圈中好友亦到場支持。為答謝歌迷，霆鋒驚喜加唱經典金曲《壞習慣》，前奏一響即引爆全場大合唱。他笑稱：「話晒我都係Rock友，點知最大聲嘅係呢首！」而歌迷由開騷期待到尾場，想看他過去演唱會經典的動作「掟爛結他」，25年後「進化版」霆鋒選擇以每晚唱到最high時「飛拋Mic Stand」，經過觀眾握手時「掟護腕」寵粉，讓幸運歌迷搶到以作紀念，「進化」的他，珍惜每一把舞台上用的結他，不再為『型』而打爛。歌迷於今次演唱會見證偶像從叛逆走向成熟的蛻變。
歌迷離開場館時，大家意猶未盡，無論地鐵，巴士，散場後觀眾山走嗰條路，變晒謝霆鋒演唱會，大家都唱着舞着，好high！
