雲浩影（Cloud）今日（22日）舉行《你在我不遠處》新歌MV首播會，獲大批粉絲撐場。Cloud分享MV拍攝點滴時三度哽咽，解釋因為昨晚工作太夜，感覺有點疲累，所以影響情緒，而且觀看MV後又好感觸，尤其歌詞講中她的心聲，「縱使我唔完美嘅時候，大家話畀我知仍然好愛我，同粉絲嘅關係好奇妙，好感激和感恩有咁多愛錫我嘅人。」
Cloud昨晚收到MV後便翻看了幾次，亦察覺到自己有一些小動作，不過感覺既有趣又真實，「原來我一緊張就咁，除咗搣手指我仲會咪嘴，之前公司叫我戒搣手指，但我睇完MV後，決定唔戒，畀大家知道我在緊張，呢個係令我舒服嘅動作，如果戒咗我又要搵第二樣作代替。」
Cloud早前被爆與音樂製作人T-Ma拍拖，她亦承認了解中，更一起度過了第一個情人節，當日除了食飯收花，兩人更互相送卡，並透露男友在卡中大讚她溫柔體貼。Cloud希望日後有機會與男友合作，向他學習如何作曲。
