肥媽與陸浩明（6號）今日到大埔派口罩給街坊，肥媽指早前在英國大量搜購口罩和搓手液，「幫咗人先係最緊要，都買咗4轉，阿仔都揸車去蘇格蘭周圍搵，大家互相幫助，每人出啲力就有羣體力量。」肥媽又表示很恨抱剛出世的孫女，「係第16個孫，依家開廠見到好多人都驚，但無謂呢個時候抱，不知幾想搣吓佢！」
而身旁的6號卻插話：「可能到時讀完大學。」肥媽即激動地說：「啋過你又講錯嘢！好心你收吓口啦！」繼上次的口誤事件後，6號甚少更新社交網，他坦言：「想沉澱吓，經一事蔡一智，講無謂嘢OK，但資訊嘢就小心啲。」肥媽亦幫忙說：「佢冇心嘅，希望大家唔好怪佢，佢好勤力，由0做到100，包容吓佢。」
