導師對廖啟智特別嚴厲，因為知道他非池中物。「我都是一個高材生，很多時導師將我們放在一起做拍檔，一男一女練習演感情戲， 接近得多，開始留意對方。」
一班同學放學後，坐巴士去旺角宵夜，也有約去睇戲，漸漸由一班人變成兩人行，就這樣開始拍拖，她記得第一次約會，都幾大頭蝦。「他有時要開工，上不到課，我幫他抄了筆記，私底下約會拿筆記給他，在天星碼頭五枝旗杆等，然後去海運大廈酒樓飲茶，我竟然不知醒，他打電話到我家裏叫醒我，原來他等了一小時，我趕到去五枝旗杆時，看到他像高僧那樣盤膝而坐。」兩人很快就讓記者知道拍拖，沒有地下情。
90年代誕下大仔二仔，2003年三仔發現患癌，2006年病逝，2020年底智叔突然診斷出末期胃癌，2021年3月離世，她在去年10月生日前，透露自己6月時身體出現嚴重狀況，幸好7月完成大手術後恢復得不錯。
去年生日，陳敏兒給自己一份禮物，開始經營YouTube頻道，首播內容是2024年生日舉行一場生前告別會，並自揭「其實我係一個慢性病患者，近呢2年身體嘅狀况愈嚟愈唔理想，去年眼見好多位親友相繼離世，人生無常，冇法預料邊個會走先。我知道好好道別有幾緊要，既然冇辦法預知未來，不如把握當下，趁仲有機會，好好表達內心入面嘅說話，減少分離嘅遺憾。」片段中可見修哥胡楓、羅蘭姐、三哥三嫂苗僑偉與戚美珍、廖安麗等，都有參與她的生前告別會。
陳敏兒是無綫80年代初的花旦，五虎中的劉德華、梁朝偉、黃日華、苗僑偉都配襯過。她中五暑假貪玩報讀TVB訓練班，中六收到通知，最初三個月日頭返中學，晚上讀訓練班，但不久已無法應付，只能放棄中六。「校長和主任捉咗我去訓話，話我發明星夢，校長又反對，阿媽又反對。」
但她在訓練班的表現的確標青，實習過程中，明白自己有小聰明，亦容易進入角色，導演都讚賞，很快獲李添勝邀請去選角，結果在長劇《親情》中演鄭裕玲的老友。
再過了兩年，TVB開警匪劇《獵鷹》捧劉德華，配師姊陳敏兒，正式擔正，她記得當時的華仔好爛玩。「在黃竹坑拍步操，烈日當空，有架車在操場拍攝鏡頭行過，佢同架車賽跑。在化妝間，佢教我拿噴髮膠，再用打火機點火，噴出一團火，我都覺得幾好玩。」之後她和梁朝偉拍劇，例如《天降財神》和《挑戰》，都有感情戲。
陳敏兒拍劇之餘做主持司儀，做過《體育世界》，是香港第一位在電視節目中跳降傘的女藝人，之後做《歡樂今宵》和大騷，坊間覺得她是鄭裕玲接班人，都有點硬朗強勢的感覺。
