容祖兒明日（16日）迎來40歲牛一，好友蔡卓妍（阿Sa）提早送上驚喜，她將祖兒手繪的動物變成可愛的立體公仔，蛋糕上還加了「pretty sexy」的人偶，氹得壽星十分開心。
祖兒在IG貼出蛋糕照，感動寫道：「蔡卓妍係傻㗎，咁都俾佢諗到呢一個蛋糕。話說我只係有一晚懶得意，同佢分享我畫嘅動物。幾個月後，連我都唔記得咗有呢一幕， 佢竟然將佢哋一隻隻變成立體，仲加多個有底裙嘅pretty sexy，依家佢哋好似扭蛋公仔咁得意嘅動物喺我面前出現，好開心好開心，邊有咁有心思嘅人㗎！」阿Sa回覆說：「係因為你畫嘅畫令人一見難忘啫，真係好得意。」
鄭秀文也留言：「So Sweet」，不少網民都讚阿Sa很有愛，「難得大家經歷過無數風雨後依然在彼此心上，是一種福報。」、「朋友真係唔洗多，知道邊個有將自己擺喺心、甚至自己嘅事比自己更上心就夠。」
圖片來源：容祖兒、蔡卓妍@Instagram