毛俊輝表示早前被邀請拍攝悼念King Sir的片段，但他說：「我做唔到！我做唔到！」他說因為King Sir的離開，對他有很大的衝激。毛Sir隨隨說出跟King Sir的緣份，自1964年他17歲考入浸會讀外文時遇上很年輕的外文系老師，叫鍾景輝，每周六全校可選修戲劇表演，成為他最渴望上的課，自此一直跟King Sir學戲；1965年《小城風光》在大會堂首次演出，他被選中做男主角喬治，令他很震驚，但King Sir給了他這個機會，並改變了他的一生。
毛Sir指由17歲到21歲這4年，他不停追着King Sir學習：「仲有一樣嘢好特別嘅係，佢其實佢唔係大我好多㗎咋，大我10年咋嘛，我依家至知，當時我唔知，所以佢其實等於我大哥哥。」他說不只King Sir對他好，King Sir的父母都對他很好。毛Sir視King Sir偶像，亦多到King Sir這個好榜樣，令毛Sir的父母願意接受該他去美國讀戲劇學位，畢業後他留在美國實踐所學，當時他亦有想返香港，但當時香港連話劇團也未成立。
幸好17年後，King Sir找毛Sir回來一齊成立香港演藝學院，他就由1985年開始任教演藝足足15年，然後King Sir話要退休，推薦他接任校長一職，校董會亦已通過。與此同時，香港話劇團公司化，邀請他擔任第一任總監，由於他在美國做過，加上話劇團是前線工作，他跟King Sir解釋後，King Sir亦明白並支持他。
毛Sir續謂今次分享從未表達過的遺憾，因為他離開演藝之後，跟King Sir關係明顯疏遠，大家少了接觸，所以當King Sir離開，他太沉重以致失眠，就回想起演藝學院有位舊同事，當年對方曾跟他說，指他為人很自我，當時他不認為，他覺得自己為戲劇，為爭取機會和時間做很多事情，但現在回想這位舊同事的說話是很正確，連太太胡美儀亦經常取笑他的口頭禪「I Don’t Care」！他說：「係自我！點解導致我今日要同你哋分享呢，我覺得我冇好好再跟隨住King Sir，俾多啲關心佢，愛護佢，佢係我最崇拜嘅老師，我偶像，但當然返咗嚟香港之後，我哋兩個人都成長，有唔同嘅生活世界入面，但係佢一個咁對我好嘅老師，係我啟蒙老師，係佢培樣我，提拔我，然後邀請我返嚟，17年後一齊共事，一齊做嘢，係為香港培養戲劇人才，我應該……我應該俾多啲愛佢！我覺得我唔識，可能因為我先諗自己，我要做咩做咩做咩，所以佢依家走，我係有一份咁嘅遺憾，我只能夠話，我會繼續做我要做嘅嘢，將佢對於戲劇嗰份熱愛，對於教戲劇嗰份理念延續落去，係承傳佢俾到我嘅嘢，佢永遠都係我最敬愛嘅老師，我一定會話，當日如果冇鍾景輝，今日唔會有毛俊輝！」
