現年55歲的鄭艷麗淡出娛樂圈多年，近年健康多次出現問題，曾患上厭食症並被送入深切治療部留醫，體重暴跌至90多磅。今年3月經歷喪母之痛，令其精神狀態每況愈下，昨日（14日）在社交平台以黑底白字發帖，「每日都要同病魔情緒去戰鬥，真係好攰……好攰，我好努力想搵個曙光去行，但永遠行到一半我一直淨係見到黑暗搵唔到條路，我唔知可以點樣做，我好怕我撐唔住，以前媽咪喺度嗰陣時，我都仲有力氣去撐，因為個目標係佢，但佢唔喺度之後，我只係有哭泣……媽咪原諒我咁冇用嘅女兒。」許多網友送上關心問候及提出不同方法，望能舒緩她的情緒。
鄭艷麗於1988年奪得無綫主辦的《銀河接力大賽》冠軍入行，曾經參演電視劇《淘氣雙子星》、《俠客行》等，後來轉戰電影圈，演出《二奶村之殺夫》、《黑暗時代之無證妓女》、《情迷個半月》等。淡出影壇之後，曾經轉行任職麥當勞及清潔工，但近年生活及健康狀況陷入困境，2020年6月曾在社交平台透露患上厭食症。亦因為長期患病要經常請假，令工作狀況極不穩定，她曾指遭公司「無理解僱」及強迫辭職，因而向勞工處求助。
今年3月，母親離世令她大受打擊，她在社交平台發文：「好難接受到，而家剩返我一個人，幸好有好多朋友同埋媽咪嘅親戚一直都關心我、陪伴我幫我。」4月份再度入院，住了超過十幾日，到6月再次入院，她寫道：「點解每次入嚟醫院都係大大鑊」，出院後，她覺得仍然沒甚氣力，亦因為掛念母親，經常爆喊及感到心好痛，自言往後的日子好難捱，她感謝好友及老闆的支持與體諒。
更多圖輯：
部分圖片來源：鄭艷麗@facebook
