鄭秀文昨晚（17日）於威尼斯人綜藝館舉行第五場「You & Mi鄭秀文澳門演唱會2025」，邀來王丹妮（Louise）擔任表演嘉賓，兩人勁度十足地合唱梅艷芳的經典名曲《壞女孩》，「型」不可擋，high爆全場。
當年Louise演出電影《梅艷芳》時，獲得Sammi的支持和鼓勵，並因而結緣。Louise心情興奮，又感激Sammi不時提拔她這位後輩，「雖然之前試過在電影中在舞台上唱歌，但今次是以自己個人身份踏上舞台同Sammi合唱，心情實在無比興奮，因為我自己同埋屋企人都係Sammi嘅fans，所以受到Sammi邀請真係好surprise好榮幸。今次《壞女孩》呢首歌係Sammi親自揀嘅，能夠同Sammi一齊唱梅姐嘅歌我覺得特別有意義，亦能深深感受到我哋對梅姐嘅敬愛之情。」
Louise向來工作認真，為了今次表演，專誠找唱歌老師練歌，希望在台上能夠發揮得更好。她還不時提醒自己，表演的時候不要太緊張，盡情跟Sammi一起享受舞台。此外，讓Louise最感難忘的是，Sammi這位前輩竟百忙中抽空與她排練，令她感到無比幸福，「Sammi自己已經夠忙，但仲願意抽時間跟我一齊多次rehearsal，務求令到表演嘅時候更合拍，更有feel。作為後輩的我，真係覺得Sammi非常勤力，對於表演亦追求盡善盡美，仲非常提攜後輩畀我哋有多啲表演經驗。呢種精神真係好值得學習，respect！我希望除咗舞台表演外，將來可以有機會跟Sammi一齊拍電影。」對於今次舞台上所穿的戰衣，Louise表示一見鍾情：「我在衣著造型上特登揀咗一套有好多『M』字嘅牛仔西裝褸，M for Mi，揀衫嘅時候，第一眼見到呢個細節位，已經即刻confirm毫無懸念。」
Sammi之後在後台大讚Louise在台上表現淡定，而且很有台型，令她這個忠實fans開心不已，她還告知Sammi，除了她之外，此行她的老公、囡囡，還有專程由澳洲回來的老爺奶奶也有同行，因為他們全家都是Sammi的忠實fans。
演唱會上除了跟Sammi合唱《壞女孩》外，她也在台上獨唱了Sammi另一首耳熟能詳的作品《理想對象》，「呢首歌係我親自揀嘅，因為除咗我之外，我知道好多歌迷都視Sammi為理想對象，所以我唱出大家嘅心聲。」
